الإثنين 21/يوليو/2025 - 10:39 ص

أضف للمفضلة

شارك شارك

علقت الفنانة آمال ماهر، على جدل لقب صوت مصر الذي أُثير خلال الفترة الماضية، موضحة أنها لا تهتم بالألقاب ويكفيها فقط ربط اسمها بموهبتها لدى الجمهور، مؤكدة أنها لا تحب الحديث عن الألقاب.

آمال ماهر تتحدث عن لقب صوت مصر

وقالت آمال ماهر، في لقائها بـ برنامج أجمد 7، عبر إذاعة نجوم FM: أنا مبحبش الكلام ولا اللغط في موضوع الألقاب، لأن أنا ممكن أكون رقم 1 عند حد وممكن أكون ولا حاجة عند حد تاني، فبأي حق أقول أنا رقم واحد؟ وأنا صوت إيه، الناس هي اللي بتقيّم وهي اللي بتدي اللقب للمطرب، وأنا بحب اسمي جدًا وبالنسبة ليا كون الناس حباه وعارفاه دي حاجة اتشرف بيها.

وأضافت آمال ماهر: كون أن الناس بتلقبك دي حاجة مش وحشة دي حاجة هما شايفينك فيها وحاطينك فيها ودي حاجة بتزودك مش بتنقصك، واللي أنا عارفاه كويس أوي أني بحب اسم آمال ماهر، أنا هعوز إيه أكتر من أن الناس شايفاني أميرة قلوبهم.

آمال ماهر

وعلى جانب آخر، طرحت مؤخرًا الفنانة آمال ماهر، ألبومها الجديد حاجة غير، ويضم مجموعة متميزة من الأغنيات التي تجمع بين الإحساس الراقي والتنوع الموسيقي، وتعاونت فيه آمال ماهر مع نخبة من كبار الشعراء والملحنين والموزعين في العالم العربي، ليشكل عودة فنية قوية ومتكاملة.