الأربعاء 16/يوليو/2025 - 03:35 ص

أضف للمفضلة

شارك شارك

كشفت الدكتورة إيمان، إحدى ضحايا واقعة التعدي من قبل مستأجرين في محافظة الدقهلية، عن تفاصيل جديدة في الحادث، مؤكدة أن ما تعرضت له هي وأسرتها لم يكن مجرد مشادة، بل اعتداء متكرر تسبب في حالة من الرعب والتهديد داخل منزلها.

ضحية اعتداء المستأجرين بالدقهلية: “هاخد والدتي وأسيب البيت.. مش عايشين في أمان”

وقالت إيمان، في تصريحات خاصة لـ”القاهرة 24”: “قبل وقفة العيد بيوم، طلبت من المستأجرين يسيبوا الشقة، علشان أنا وابني مش عايشين في أمان بعد التعديات اللي حصلت علينا أكتر من مرة”.

وأضافت: “يوم الأربعاء قبل الوقفة، اعتدوا علينا تاني، وضربوا والدتي، وضربوني أنا وأختي، وكنا رايحين فرح وقتها، وفوجئنا إنهم بيهجموا علينا وبيشتموا ويضربوا من غير سبب”.

وتابعت: “كان في ضرب كتير جدًا وتعدي مستمر، ومش دي أول مرة تحصل، لكن المرات اللي فاتت ما اتصورتش. أنا دلوقتي مش بطلب غير إنهم يسيبوا البيت، علشان نقدر نعيش في أمان، أنا هاخد والدتي وأسيب الشقة، لأننا مش قادرين نعيش في جو التهديد ده، وهم مستئين جدًا مننا ومفيش أمان طول ما هما موجودين”