الإثنين 30/يونيو/2025 - 07:09 ص

أضف للمفضلة

شارك شارك

كشف الفنان شريف رمزي، عن موقف الفنان عادل إمام من إعادة تقديم فيلم البحث عن فضيحة، كما أكد على أهمية إعادة تقديم الأعمال الفنية السابقة، برؤية معاصرة.  

وقال شريف رمزي خلال لقائه مع القاهرة 24: إحنا بنقدم الفيلم بشكل معاصر عشان الأجيال القديمة اللي محضرتش فيلم البحث عن فضيحة، وكمان عشان الناس اللي حضروا الفيلم زمان هيحبوا يشوفوا النسخة المعاصرة منه. 

وعن موقف عادل إمام من إعادة تقديم فيلمه البحث عن فضيحة، قال شريف رمزي: الزعيم عادل إمام مبسوط بإعادة تقديم أفلامه زي البحث عن فضيحة وشمس الزناتي، اللي هقدمه الفنان محمد إمام ابنه. 

فيلم البحث عن فضيحة 

وعلى جانب أعمال شريف رمزي، سبق وعلم القاهرة 24، انضمامه لأبطال فيلم البحث عن فضيحة، مقدمًا دور الفنان الراحل سمير صبري، بالنسخة الأصلية من الفيلم، ولكن بشكل معاصر للوقت الحالي، وبإضافاته على الشخصية.

وسبق وأعلن صناع فيلم البحث عن فضيحة بنسخته العصرية، إعادة تقديم النسخة الأصلية من العمل، وكشف المخرج رامي إمام، رأي الزعيم عادل إمام، في إعادة تقديم الفيلم مرة أخرى، وقال رامي إمام خلال تصريحات تليفزيونية سابقة له: الزعيم مرحب بالفكرة على عكس ما يقال إنه ضد فكرة إعادة الأفلام طالما في تكنولوجيا جديدة تساعد العمل، المهم طريقة التناول مش التشابه.