الخميس 05/يونيو/2025 - 01:43 م

أضف للمفضلة

شارك شارك

دافع الفنان تامر عبد المنعم، عن الفنان أحمد آدم، بعد شائعات شكواه من قلة العمل، التي تداولت خلال الفترة الماضية على مواقع التواصل الاجتماعي.

وكتب تامر عبد المنعم منشورًا عبر حسابه الشخصي بموقع التواصل الاجتماعي فيسبوك، جاء فيه: قرأت مؤخرًا ما يكتب عن النجم أحمد آدم، والحقيقة استغربت جدا، لأني واحد من المقربين جدًا منه واتشرفت بالشغل معاه لسنوات سواء في السينما أو في المسرح، وشفت بعيني نجاحه وشفت بعيني أسلوبه في التعامل مع الصغير قبل الكبير، واعرف ثقافته وبُعد نظره وقراءته للأحداث وتوقعاته اللي علي فكرة كلها تقريبا ثابت من 2011 لحد انهاردة.

وأضاف تامر عبد المنعم: أحمد آدم يا سادة لمن لا يعرفه كرامته عزيزة أوي، واعتزازه وتصديقه في نفسه وموهبته ملهمش حدود وعشان كده أنا علي يقين أنه لا يمكن يصرح التصريح المتداول بتاع مش لاقي شغل، لكن صدقت على طول تصريحه بتاع أنا أحمد آدم برضه، أنا شخصيا بقالي 3 سنين بتحايل عليه ينزل مسرح وهو رافض سواء خاص أو عام أو في الخليج.

واختتم: أنا شخصيًا عرضت عليه مرة اتنين أنتج له مسلسل وهو همه كله الورق، النجوم الكبار أصحاب التاريخ عيب نسيئ ليهم كده ونفتري عليهم عشان نشوه صورتهم.. صديقي وأخى الغالي لا تلتفت للهيافات واستمر ويا ريت توافق  نعمل مسرح بقى.