السبت 19/يوليو/2025 - 01:20 ص

أضف للمفضلة

شارك شارك

وجهت الفنانة أنغام، رسالة لجمهورها في حفلها الأول بعد أزمتها مع الفنانة شيرين عبد الوهاب، ووعكتها الصحية الأخيرة وخروجها من المستشفى، وذلك بمهرجان العلمين الجديدة بنسخته الثالثة.

وقالت أنغام، لجمهورها، خلال حفلها بمهرجان العلمين: أنا فرحانة ومبسوطة بشكل تاني، لأن الواحد لما بيعدي بأزمات أحيانًا شغله والناس اللي بتحبه والأيام الحلوة اللي ربنا بيبعتها بتبقى حاجة تانية، ووجودكم النهاردة حاجة تانية في حياتي، أنتوا بتدوني قوة وصحة وأمل وبتوهبولي الحياة.

حفل أنغام بمهرجان العلمين 2025

وهتف الجمهور معربين عن حبهم الكبير لها قائلين: بنحبك يا فنانة، لترد أنغام ضاحكة: قولولي يا أنغام، والله أنا اللي بحبكم أوي، أنتوا الفرحة اللي فيا.

وكان الفنان تامر عاشور، مفاجأة حفل الفنانة أنغام بمهرجان العلمين الجديد، وقدمته أنغام على المسرح قائلًا: مشرفني ومنورني وهيغني معايا الفنان تامر عاشور.

مهرجان العلمين الجديدة 2025

وفي وقت سابق، كانت الشركة المتحدة للخدمات الإعلامية، كشفت عن إطلاق النسخة الثالثة من مهرجان العلمين الجديدة - المهرجان الأضخم من نوعه في مصر والشرق الأوسط- خلال الفترة من 18 يوليو الجاري وحتى 29 أغسطس، وتشهد الدورة الجديدة لمهرجان العلمين، مشاركة نخبة من أبرز نجوم الغناء في مصر والوطن العربي، وهم عمرو دياب، أنغام، أصالة نصري، تامر حسني، تامر عاشور، مروان بابلو، ليجي -سي، ويجز، وفرقة كايروكي.