الأحد 06/يوليو/2025 - 06:59 ص

أضف للمفضلة

شارك شارك

كشفت الفنانة مي القاضي حقيقة الخلاف بينها وبين الفنانة هدى الإتربي، خلال كواليس مسلسل العتاولة 2، الذي عُرض في السباق الرمضاني الماضي 2025، بسبب الألقاب التي أطلقها الجمهور عليهم بعد أغنيتي قنبلة الجيل وأنتي الوحش، خلال أحداث العمل.

وقالت مي القاضي، في تصريح خاص لـ القاهرة 24: أنا مش مهتمة بالألقاب، وده بالنسبة ليا دور عملته مش هفضل ماسكة فيه طول حياتي، وأنا وهدى متقابلناش في التصوير، وكل الكلام اللي بيتقال ده بالنسبة ليا ولا حاجة.

مي القاضي: اتبسطت بتعليق الناقد طارق الشناوي على شخصيتي في العتاولة

أما عن مقارنتها مع الفنانة مي عمر ورانيا يوسف، بسبب تجسيدهن أدوار راقصات في دراما رمضان، أضافت مي القاضي: كنت بشوف مقارنة الجمهور على السوشيال ميديا مقارنة الجمهور بيني وبين مي عمر ورانيا يوسف من حيث أدوار الراقصات، وكنت بتبسط من رد الفعل وأنهم حابين الشخصية، واتبسطت من تعليق أستاذ طارق الشناوي على دوري ككل مش الراقصة بس.

واختتمت حديثها: بالنسبة ليا المهم إن الجمهور يصدق، والناس قالت إني بقيت بيئة بسبب شخصية شوق، ومعنى أن الجمهور صدق أنا كده عملت اللي المفروض أعمله.