الجمعة 20/يونيو/2025 - 07:43 م

أضف للمفضلة

شارك شارك

لا يزال الخلاف على الميراث قائما بين أسرة لاعب نادي الزمالك الراحل إبراهيم شيكا، حول مدى أحقية والدته وإخوته في الحصول على نصيبهم الشرعي في ممتلكاته، التي قدرتها زوجته بأنها شقة سكنية فقط، في حين أصرت الأسرة أنه يمتلك شقتين وسيارة.

والدة إبراهيم شيكا تكشف تفاصيل الميراث بعد وفاته

وقالت والدة إبراهيم شيكا في تصريحات خاصة لـ القاهرة 24: أنا دلوقتي مش عايزة ورث ولا فلوس ولا أي حاجة، خلاص مش عايزة حاجة من ورث ابني، مفيش حاجة تعوضني عنه، اللي راح أغلى من كل الفلوس والممتلكات، وأنا مش عايزة أي شيء من أرملته.

وأردفت: كان فيه جلسة والمفروض كنت أروح واخد نصيبي في الورث وأنا مروحتش بصراحة، هي كانت مستنياني في المحكمة بس مروحتش ولا جيت.

وأوضحت: بالنسبة لمبادرة سعد الصغير اللي قال إنه هيساعدني فيها أنا مشوفتش لا أبيض ولا أسود، ولا حد ساعدني، وحياة يوم الجمعة الطاهرة دي محدش إداني حاجة.

وأضافت: اللي أرملة ابني بتعمله ده غلط، بتودي العيال المدافن يعيطوا والولد شوفته قلبي انقطع عليه، حرام اللي بتعمليه ده اتقى ربنا يا بنتي حرام دي عيال صغيرة لسه طالعين للحياة.