الجمعة 20/يونيو/2025 - 07:45 م

أضف للمفضلة

شارك شارك

تحدث الفنان أحمد الفيشاوي، عن شغفه في الإخراج وصناعة السينما، بجانب حديثه عن أغاني الراب، موضحًا أنه أول فنان بالوطن العربي يقدم راب باللهجة المصرية.

وقال أحمد الفيشاوي، في حواره مع الفنان عباس أبو الحسن، في بودكاست حوارات مع عباس: أنا عندي طموحات كمخرج ده شغفي وحبي وعشقي، وطول عمري بحلم أبقى ورا الكاميرا مش قدامها وده هيتحقق، وأنا ممثل وبكبر في السن وأي ممثل بيكبر في السن مع الوقت كل شوية الطلب بيقل لغاية ما يبقى مفيش طلب أصلًا.

وتابع أحمد الفيشاوي: عندي شغف للحياة ولصناعة الأفلام أكتر، وأنا لو مش بصنع أفلام أحسن ليا أموت مش هيبقى ليا لازمة، أنا مجنون بالسينما كمخرج.

أحمد الفيشاوي: أنا اللي بدأت الراب في مصر

كما تحدث الفنان أحمد الفيشاوي، عن أغاني الراب، قائلًا: أنا اللي بدأت كل اللي بيحصل في الراب ده ومطربين الراب عارفين ده وبيقولوه، وأنا أول ممثل في الوطن العربي كله أو حتى مغني، يقول راب باللغة المصرية العربية في فيلم ورقة شفرة، وبدايتي مع الراب كانت سنة 1993 كان عندي وقتها 13 سنة وكنت بكتب الراب، وكنت مهتم بالمزيكا عمتًا ولكن الراب أقرب حاجة لشخصيتي.

أحمد الفيشاوي

وعلى جانب آخر، انطلق مؤخرًا تصوير فيلم حين يكتب الحب، بطولة الفنان أحمد الفيشاوي، ويشاركه في بطولة العمل كل من: الفنانة سوسن بدر، ومعتصم النهار، تأليف سجي الخليفات وإخراج محمد هاني، والذي ستدور أحداثه في إطار اجتماعي رومانسي.