الإثنين 21/يوليو/2025 - 06:57 ص

أضف للمفضلة

شارك شارك

أمام محكمة الأسرة، وقفت زوجة شابة تطلب الطلاق بعد 4 سنوات زواج، وقالت في دعواها إنها لم تكن قادرة على العيش في بيت كله أوامر من "الحماة"، وإن زوجها لا يعرف يقول "لا" لوالدته، حتى لو على حساب بيته.

حكايات محكمة الأسرة 

وقالت الزوجة: اتجوزته وأنا عارفة إنه ابن أمه، بس مكنتش متخيلة إن الموضوع هيبقى للدرجة دي.. كل حاجة لازم والدته توافق عليها، حتى خروجاتنا، لبسي، تربية العيال.. كل تفصيلة صغيرة بتتدخل فيها.

وأضافت: في مرة حصلت مشكلة بينا، راح لوالدته وحكا لها، تاني يوم لقيتها داخلة شقتي بتزعقلي وتقولي: انتي ما تستاهليش ابني! وجوزي واقف ساكت.

وأشارت إلى إنها لما فكرت تستقل بحياتها، وتطلب شقة بعيدا عن بيت العيلة، رفض وقال لها: أمي كبيرة ومينفعش أسيبها، ولو مش عاجبك روحي عند أهلك.

وقالت: أنا بحترم أمه وبحبها، بس هي شايفاني دخيلة، وأنا حاسة إني عايشة في بيتها مش في بيتي.

الزوج من ناحيته قال إن زوجته تغير من أمه، وإنه لا يستطيع أن يتخلى عنها من أجل زوجته، وإنه يحاول يرضي الطرفين.

المحكمة أجلت الفصل في الدعوى لجلسة قادمة بعد فشل محاولات الصلح.