الخميس 17/يوليو/2025 - 03:30 ص

أضف للمفضلة

شارك شارك

كشفت الفنانة منة شلبي عن موقف جمعها في وقت سابق مع المخرج الراحل يوسف شاهين، خلال تصوير فيلم هي فوضى. 

وقالت منة شلبي خلال لقائها في برنامج فضفضت أوي، تقديم المخرج معتز التوني: فيه مشهد يوسف شاهين أخرجه وعدنا تصويره فـ عجبه الـ shot أوي، لقيته قام باس إيدي وقالي شكرا، وده عرفني إن حتى الكبار بيخافوا وبيتسبطوا بالشغل الحلو برغم نجاحهم الكبير.

وحول طريقة عملها خلال التصوير في اللوكيشن، قالت منة شلبي: لو المخرج قالي بصي على نفسك في المشهد اللي صورتيه، مش بحب أعمل كدة ولا أتفرج على نفسي عشان بحس إن وظيفتي مش إني أشوف أو أراجع أدائي لأني لو بصيت وعجبني أدائي هكسل في اللي جاي.

كما كشفت منة شلبي رأيها في الأعمال الدرامية، وقالت: بحب المسلسلات لكن مش بيج فان ليهم، لأن طريقة شغلهم غير الأفلام، وبتقتل حب الشغلانة وبتقتل الإخلاص وتموّت الصناعة.

أعمال منة شلبي

يذكر أن فيلم الهوى سلطان، كان آخر أعمال منة شلبي، وقدمت بطولته مع الفنان أحمد داود، أحمد خالد صالح، سوسن بدر، جيهان الشماشرجي، عماد رشاد، نورين أبو سعدة، فدوى عابد، وآخرين، والعمل من إخراج هبة يسري.