الجمعة 27/يونيو/2025 - 10:23 ص

أضف للمفضلة

شارك شارك

حلت الفنانة أسماء أبو اليزيد، ضيفة على أحد البرامج الإذاعية، وتحدثت خلال اللقاء عن مسلسلها فات الميعاد، وتكرار تعاونها مع الفنان أحمد مجدي، ومشاريعها الفنية المقبلة.

وجاءت أبرز تصريحات الفنانة أسماء أبو اليزيد كالآتي:

أبرز تصريحات أسماء أبو اليزيد

 - كان نفسي أتعلم رقص الباليه ولكن فات الميعاد، أنا بحب أي حاجة فيها رقص وبحب فكرة الرقص عمتًا.

 - مسلسل فات الميعاد حقيقي والحدوتة موجودة في بيوت كتير، والشخصيات مكتوبة حلو أوي وشبه شخصيات كتير موجودة حوالينا في ناس نعرفهم.

 - اختيار السيناريو توفيق من عند ربنا، ولما بشوف حاجة مشدودة ليها وبعملها حتى لو منجحتش ببقى مبسوطة أني اشتغلتها.

 - أنا مبحطش توقعات، ومسلسل فات الميعاد الناس تفاعلوا من أول حلقة وواخدين موقف، وده عدى التوقعات فالحمد لله كان حاجة حلوة أوي.

 - لو عندي حماة زي شخصية عبلة في مسلسل فات الميعاد هقعد أدعي عليها، وسلوى محمد علي مبدعة وعاملة الشخصية حلوة أوي.

 - الضرب اللي اتضربته في مسلسل فات الميعاد مكنش حقيقي، ومكنتش بحس أن في حاجة صعبة في المشاهد لأن في صداقة لذيذة بيني وبين أحمد مجدي وكيميا وعارفين هنعمل إيه، وكنا واخدين بالنا أنه موجعناش ولكنه يبقى حقيقي أوي.

 - صعب أوي فكرة أني أنصح ست بتواجه العنف الزوجي لأن كل واحدة حياتها مختلفة وممكن واحدة تسكت عشان الولاد والحياة، فمش عارفة أنصح غير حطي لنفسك حدود تقبلي إيه ومتقبليش إيه، لأن أنتي إنسانة ليكي حدود.

 - لو شفت راجل بيضرب ست قدامي هبقى عايزة أضربه وممكن أتهور، ولكني هخاف لأن ممكن تبقى هي موافقة وتقولي أنتي مالك.

 - أنا وأحمد مجدي، اشتغلنا مشروع الآنسة فرح على مدار 3 سنين واتبسطنا أوي والشغل كان حلو بينا، ولما جينا اشتغلنا دلوقتي في مسلسل فات الميعاد، كان المختلف بس أسماء الشخصيات ولكن كنا عارفين نشتغل ومبسوطين.

 - مسلسل مملكة الحرير فانتازيا وهيكون شيق جدًا، اتبسطت بالتجربة على بعضها وبحب الحاجات دي جدًا، والشخصية مختلفة جدًا الأميرة جليلة، التجربة مبدعة ومليانة حاجات والموضوع شيق، ويا رب يعجب الجمهور.

 - فيلم الغربان بيتكلم عن حقبة زمنية مختلفة، وأنا بحب الحقب الزمنية.

 - لو هعمل برنامج إذاعي هستضيف أحمد زكي، وهسأله أنت عامل إيه بجد؟، بس كده.

 - مبحبش حد يسألني في البرامج حضرتي إزاي للشخصية.