السبت 07/يونيو/2025 - 10:30 م

أضف للمفضلة

شارك شارك

كشفت التحقيقات في واقعة مقتل شاب على يد آخر نتيجة نشوب مشاجرة بينهما؛ وذلك بسبب دفاع المجني عليه عن والدته إثر تعرضها للتحرش اللفظي من قبل الجاني بمنطقة اللبيني في فيصل بمحافظة الجيزة، تفاصيل الواقعة.

أقوال المتهم بقتل شاب تدخل للدفاع عن والدته بمنطقة اللبيني في فيصل

وحصل القاهرة 24 على نص التحقيقات وجاءت أقوال المتهم أمام جهات التحقيق كالآتي: اللي حصل إن انا كنت بجيب عشا للبيت من عند مطعم فول وطعمية، وأنا راجع على الطريق قابلت المدعوة شيماء.ج.غ، وأنا ماشي تفيت على الأرض وهي افتكرت إن أنا بتف عليها؛ فلقيتها بصلتي بقرف وتفت عليا وأنا روحت تافف ناحيتها وهي فضلت تشتم في والدتي بألفاظ وحشة.

وأضاف المتهم في أقواله أمام جهات التحقيق: بعدين قولتلها أنتي ست مش محترمة عشان تقولي شتائم زي دي، ولو أنتي محترمة مكنتيش قولتي الشتائم ديه؟! وبعد كده سبتها ومشيت وفي فجر الجمعة ابنها هشام وأبوه أسامة جم ناحية البيت عندي حوالي الساعة ٢:٣٠ صباحا وكانوا بيشتموا تحت البيت بألفاظ وحشة وبيشتموني بوالدتي، وأنا نزلتلهم من البيت وكان معايا شاكوش في إيدي اليمين وسكينة كنت شايلها في جنبي.

وأردف: وأول ما نزلت من البيت اتكاتروا عليا هو وأبوه، وأنا كنت بضرب رجل هشام عشان أبعده من قدام البيت وأبوه أسامة مسكني من التيشيرت وعمال يلف، وأنا طلعت السكينة وعمال أهوش بيها عشان يخافوا ويبعدوا عني وعمالين يضربوا فيا بالطوب وأبويا وأخويا نزلوا بيحجزوا عشان مش عايزين مشاكل.

وأردف المتهم بعدها أنا اتعورت سعتها في راسي ونزل مني دم، فروحت خبطت ابنها في رجله اليمين لحد ما وقع الأرض، أبوه خد العربية وطلع بيه على المستشفى وأنا طلعت البيت سعتها غسلت وشي وبعدها روحت مستشفى أم المصريين، وبعد كده جالي ضباط من قسم الهرم وده كل اللي حصل.