السبت 07/يونيو/2025 - 12:23 ص

أضف للمفضلة

شارك شارك

أكد أحمد سيد زيزو لاعب النادي الأهلي، أن نادي الزمالك يعاني خلال الفترة الماضية من عدم الاستقرار وهو ما تسبب في العديد من الأزمات. 

تصريحات زيزو 

وقال زيزو في تصريحات تليفزيونية: هيطلع حد دلوقتي من الزمالك يقول زيزو قال كلام مش صح، وأقسم بالله كل اللي انا قولته هو اللي حصل معايا بالظبط.. مفيش حاجة مستقرة في نادي الزمالك إلا جمهوره فقط، وجمهور الزمالك الحاجة الوحيدة اللي تشجع أي لاعب إن هو يقعد ويكمل. 

وأوضح زيزو: مجلس الزمالك قرر تأجيل أكثر من موعد وكان بيتقال ليا بنجهز مقدم التعاقد، وحسين لبيب قالي المقدم مش موجود إيه رأيك تاخد بيه بيت من أحد المحبين وتقدر تتصرف فيه خلال سنتين ولقيت الكلام بيتغير كل شوية واستغربت إن التفاوض بالشكل ده.

ووصل زيزو قائلا: كان بيتقال كلام مش صح عليا وشغل لجان وكلنا عارفين اللي كان بيحصل وقتها، وقولت للكابتن حسين لبيب ظبط أمورك ولما تكون جاهز كلمني. 

وفي ختام تصريحاته قال زيزو: إدارة الزمالك قعدت 8 شهور بتشوه في صورتي وأنا اللي موجود في النادي من 6 سنين معملتش مشكلة وهل حد يقدر يطلع يقول إن أبويا خد جنيه من النادي.