الجمعة 27/يونيو/2025 - 04:22 ص

أضف للمفضلة

شارك شارك

تحدث عبد الواحد السيد مدير الكرة السابق بنادي الزمالك على انتقال إمام عاشور وأحمد سيد زيزو لاعبا الأبيض السابق إلى صفوف النادي الأهلي.

تصريحات عبد الواحد السيد

وقال عبد الواحد السيد في تصريحات تليفزيونية: إمام عاشور زمالكاوي ولما رجع القاهرة وأنا كنت مدير كرة كان بيكلمني عشان يروح الجيم ويرجع ولكن النادي مكنش معاه فلوس يشتري إمام فـ اللاعب شاف الأنسب له وراح الأهلي.. ومصطفى محمد لو لو عايز يرجع الزمالك والنادي معندوش الإمكانيات عشان يدفع فـ اللاعب هيشوف مصلحته وكل لاعب بيدوّر على المكان اللي بيحس إنه هيتقدّر فيه ماديًا.

وأضاف: بلغة الكرة أنا شفت زيزو بقميص الأهلي عادي، ومش فارق معايا، كنت واحد من الناس اللي عايز زيزو يتم بيعه وأنا كنت مدير كرة، ورأيي الأساسي إنه كان يتم بيعه، وعرض نيوم السعودي لم يكن وهميًا وبداية العرض كنت أجلس مع حسين لبيب وقلت له “لو زيزو جه فيه 5 مليون دولار هبيعه” وقلت لـ حازم فتوح وكيل اللاعبين “فيه نية لبيع زيزو فـ لو عندك حاجة هاتهالي” فـ جالي وقالي فيه نادي نيوم فـ قولتله “لو جيبتلي عرض بـ 5 مليون دولار هوصلّك بكابتن حسين لبيب وتواصل معاه”.. بس أنا متابعتش بعد كده.

وأكد عبد الواحد السيد في تصريحاته: تعاقد الأهلي مع كل هؤلاء النجوم سيكون مشكلة كبيرة للفريق وللمدير الرياضي والمدير الفني.

وأتم تصريحاته: محمد الشناوي كان هايل ومينفعش نحمله مباراة بورتو، ومينفعش في يوم نقول الشناوي رقم 1 وتاني يوم نقول معندوش فكرة، والشناوي قدم مباراة جيدة ضد إنتر ميامي وواجه سوء توفيق في مباراتي بالميراس وبورتو.