الثلاثاء 24/يونيو/2025 - 04:12 ص

أضف للمفضلة

شارك شارك

تحدثت الفنانة دينا فؤاد عن بداية دخولها لمجال التمثيل، ومشاركتها في مسلسل الدالي بطولة الفنان نور الشريف، والكواليس الخاصة التي جمعتهما. 

وقالت دينا فؤاد خلال تصريحات تليفزيونية: لما جالي مسلسل الدالي كنت حاسة إني داخلة على حرب وعالم صعب أوي، كنت حاسة إني صغيرة على المسئولية دي، بس أستاذ نور الشريف احتواني وكان هو اللي بيذاكر لي وده ساعدني أتشجع على تقديم دوري، وساعات كنت بطبخ لهم في التصوير ووقتها نور الشريف قالي متطبخيش تاني أنا تقلت وعايز أنام. 

دينا فؤاد: نور الشريف قالي متطبخيش تاني.. وحسيت إني داخلة حرب في مسلسل الدالي 

كما تحدثت دينا فؤاد عن الحسد، ومخاوفها الكبيرة تجاهه، حيث قالت: أنا نجمي خفيف وبتحسد بسرعة، ودايما بقول أذكار المساء والصباح، وأي بني آدم بيتحسد، اللي قاعد في بيته بيتحسد حتى على ضحكته.  

دينا فؤاد تبكي: والدتي اتوفت وأنا عندي سنتين

وفي سياق آخر، بكت دينا فؤاد عند حديثها عن وفاة والدتها، ووفاة المنتجين الأربعة في حادث سير أليم، قائلة: أمي اتوفت وأنا عندي سنتين ومش فاكرة منها أي حاجة، وأختي ووالدي هما اللي كانوا بيحكولي عنها، وكتير كنت بعدي بمواقف محتجالها فيها، زي وفاة والدي، ووفاة المنتجين الأربعة.

وتابعت دينا فؤاد: من أكبر صدمات حياتي وفاة المنتجين الأربعة، اللي كنت بعتبرهم جزء من عيلتي، وحسيت بضربة في قلبي لما سمعت الخبر وهما ماتوا شهداء.