الأربعاء 18/يونيو/2025 - 04:34 م

أضف للمفضلة

شارك شارك

روى الفنان أحمد فتحي العديد من الأسرار عن حياته الشخصية والفنية، مؤكدا أنه مرَّ بالعديد من الصعوبات في بداية مشواره، ولكن في كل مرة كان يتعلم شيئًا جديدًا، ودائمًا يرضى بنتيجة مشاركته في أي عمل، إذ وجه رسالة لجمهوره يحثهم فيها على ضرورة الرضا والإيمان بالقضاء والقدر.

ونستعرض لكم أبرز تصريحات أحمد فتحي في لقائه مع معتز التوني في برنامج فضفضت أوي:  

ـ في ثانوية عامة كنت باخد الدرس بـ 3 جنيه، فخدت الفلوس وروحت جبت بيها السجاير، خبيتها من والدي في المكتب والدي دخل شافها صرخ.

ـ أبويا كان راجل محترم ومكنش بيضربنا كتير لكن لما بيضرب حد بتكون كبيرة.

ـ اللي بيضحك أصحابه مش شرط يبقا ممثل كويس، الذاكرة مهمة للممثل الموهوب.

ـ عيدت سنة الأخيرة في المعهد على مشروع التخرج.

ـ معظم الناس بتحبني لكن في ناس بتكرهني.

ـ محمد سعد هو الفنان الوحيد اللي بيضحكي.

ـ لما بعمل أعمال ناجحة مش بيجي لي مكالمات من الناس لإني مش بكلم حد.

ـ عمري ما هطبل لحد لو أخر لحظة في عمري.. وبخاف إن الناس تفهمني غلط.

ـ لما بشوف موهبة كبيرة لازم أقول، ومرة ممثل مهم جدًا كان عامل حاجة رائعة، بعت له قُلت له أنت رائع، مردش عليا هو يستحق الإشادة لأنه موهوب بس مش إنسان.

ـ أتعرض عليا دور سيد في جعفر العمدة ومحصلش نصيب، أحمد فهيم كان محتاجة لأنها أرزاق، تلف تلف لحد ما تيجي لصاحب نصيبها.

ـ الحياة بتخلص أسرع ما إحنا بنتخيل، متزعلش على حاجة راحت أو تفرح بحاجة.. أهم حاجة سمعتك.