الإثنين 09/يونيو/2025 - 04:40 م

أضف للمفضلة

شارك شارك

استغاثت سيدة مصرية تدعى هدى علي، بسبب اختطاف طليقها لصغيرها وإهمال علاجه النفسي وتعليمه، ومساومتها على إمضاء إيصال أمانة بـ مبلغ مليون جنيه.     

 سيدة تستغيث من اختطاف طليقها لصغيرها

وقالت السيدة في تصريحات لـ القاهرة 24، إن طليقها اختطف صغيرها ورفض إعادته لها إلا بإمضاء إيصال أمانة بقيمة مليون جنيه، بالإضافة  لتغيب الصغير عن المدرسة بسبب لجوء والده لـ سحب ملفه التعليم منذ شهور وعدم ذهابه لـ جلسات التخاطب أو العلاج النفسي الذي يخضع له.

وأضافت السيدة: عمرى ما كنت أتخيل إني دي تبقى حياتي وإني ممكن أكتب منشور زي ده في يوم من الأيام بس أنا بموت كل يوم بعد لما اتاخد منى ابنى والأمل الوحيد اللي عايشة بيه.. مابقاش عندي حاجة أخسرها كان لازم ـتكلم عن الظلم اللي عايشة فيه بقالى 3 شهور، لازم كل حاجة تتوضح خلاص اللي في الصور ده علي ابنى الوحيد كل اللى فاضلي في حياتى طليقي م.ع.

وواصلت هدى علي: خطفه منى يوم 13/3 أخده عشان يقضي معاه اليوم زي اتفاقنا من ساعة الطلاق ومرجعوش تاني، جربت معاه هو وأهله كل الحلول الودية ولكن للأسف الحلول الودية بتخليهم يزيدوا في طغيانهم وظلمهم ليا ودايما ردهم إني مش هشوف ابني تاني وأنسى إني آخده ولا حتى هعرف مكانه، لا ودي ولا قانوني وطبعا واقفين مع ابنهم في ظلمه ليا وكل كلامهم إنى أنا السبب مع إن هو اللي صمم على الطلاق وحاليا كلامه إنه عشان يرجع الولد: 

1- إني أمضى وصل أمانة بمليون جنيه.

2- يعمل عقد اتفاق طلاق جديد بشروط جديدة ويكون فيه شرط جزائي مليون جنيه بردو.

واستكملت: ابني مشوفتوش ولا أعرف عنه أي حاجة من يوم 13/3 وبموت كل يوم من غيره وقافل تليفونه، والولد متغيب عن مدرسته وحاول يروح يسحب ملفه لولا ستر ربنا إني معايا ولاية تعليمية لأنه رفض دفع باقي مصاريف المدرسة

وأردفت السيدة هدى علي: ابنى مش بيروح جلسات التخاطب بتاعته ولا العلاج النفسي لتأثره بالطلاق، وأنا بتعرض للتهديد إني مش هقدر أشوف ابني تاني لو ما مضتش على إيصال الأمانة.